Rexistro de usuario

Podes rexistrarte libremente para engadir os teus propios contidos á web (fotos, opinións, comentarios...), pero o rexistro implica a aceptación das seguintes condicións de uso:

  1. A Asociación "A Moreniña" resérvase o dereito a non publicar, editar ou retirar calquera contido non axeitado, sempre baixo criterios propios pero responsables e sen ter que dar explicacións.
  2. SÓ SE PERMITIRÁN contidos, comentarios e opinións que estean relacionados dalgunha maneira únicamente coas festas da Guadalupe de Rianxo.
  3. Os contidos publicados pasarán a ser de dominio público. A Asociación "A Moreniña" non reclamará ningún tipo de dereito sobre os contidos, e tampouco o poderá facer quen os publique.
  4. A Asociación "A Moreniña" atenderá a calquera demanda de violación de dereitos de reprodución de imaxes ou textos, así como todas aquelas demandas de retirar contidos que poidan ser considerados inoportunos, irrelevantes, ofensivos ou pertencentes á vida privada das persoas, así como de contidos comprometidos ou relacionados con menores de idade.
  5. A Asociación "A Moreniña" quere garantir a liberdade de expresión, sendo o límite desta liberdade de expresión a liberdade de terceiras persoas á intimidade e á dignidade, así como á legalidade vixente; a Asociación será garante de que estes requirimentos sexan cumpridos.
  6. En todo caso, a responsabilidade dos contidos publicados recaerá sempre na persoa que publique o contido, e a Asociación "A Moreniña" non se fai responsable das opinións de terceiros.
  7. Chamamos a un uso responsable desta ferramenta de comunicación e colaboración cidadá. Se aceptas publicar contidos, aceptas implícitamente coidar destas normas.